“તલની ચીક્કી” – હવે ઘરે જ બનાવો બહાર મળે છે એવી પાતળી પાતળી ચીક્કી…

જરૂરી સામગ્રી :

1) ૧ કપ ગોળ
2) ૧ કપ સેકેલા તલ

આજે આપણે માર્કેટ માં જે તલ ની વણેલી ચીક્કી મળતી હોય છે તેવી જ ચીક્કી ઘરે કેવી રીતે બનાવવી તે જોઈશું. ચીક્કી ને ઘરે
બનાવવી ખૂબ જ સરળ છે, તેને બનાવવા ગોળ નો પાયો બરાબર બનવો ખૂબ જ જરૂરી છે. જો પાયો બરાબર બને તો તેનું રીઝલ્ટ
ખૂબ જ સરસ આવે છે. તો ચાલો આપણે તેને કેવી રીતે બનાવવી તે જોઈએ જેથી તેનું રીઝલ્ટ પરફેક્ટ આવે.

બનાવવાની સરળ રીત :

1) સૌથી પહેલા આપણે તલ ને શેકી લઈશું

2) હવે એક નોન સ્ટીક ની કે જાડા તળિયા વાળી કડાઈ માં ગોળ નો ભૂકો ઉમેરીશું અને તેને ધીમા થી મધ્યમ ગેસ પર હલાવતા રહીશું

3) આ રીતે એનો golden કલર આવે ત્યાં સુધી અને થવા દઈશું

4) હવે એમાં શેકેલા તલ ઉમેરી ને મિક્ષ કરી દઈશું, તલ ઉમેરતી વખતે ગેસ ધીમો કરી દેવો

5) બધું મિક્ષ થઇ જાય એટલે એને કિચન પ્લેટફોમ પર પાથરી દેવું (પ્લેટફોર્મ પર, વેલન પર અને વાટકી ની પાછળ ઘી કે તેલ લગાવી દેવું)

 

6) પેહલા એને વાટકી ની મદદ થી થોડું ફેલાવી દો અને દસ વીસ સેકંડ પછી વણવાનું શરુ કરો

7) આ રીતે જાડા વેલન થી ચીક્કી ને બને એટલી પાતળી વાણી લેવી

8) હવે એ ગરમ હોય ત્યારે જ એના પર કાપા પાડી દેવા જેથી જયારે તે ઠંડી થાય ત્યારે તેના સરસ ટૂકડા થઈ જાય.

9) હવે આ ચીક્કી તૈયાર છે તમે તેને ડબ્બા માં ભરી ને સ્ટોર કરી શકો છો

નોંધ :

તલ ને કાચા પાકા શેકવા , ગોળ પોચો હોય તેવો લેવો જેથી તે જલ્દી ઓગળી જાય, ચીક્કી જયારે થોડી ગરમ હોય ત્યારે જ
તેને વણવી જેથી તમારે જેટલી પાતળી વણવી હોય તેટલી વણી શકાય, ચીક્કી ને વણવા માટે બને તો જાડુ વેલન જ ઉપયોગ માં લેવું.

સૌજન્ય : શ્રીજી ફૂડ

આવી અનેક વાનગીના વિડીઓ જોવા માટે ક્લિક કરો અમારી લીંક. – શ્રીજી ફૂડ

ટીપ્પણી

Ad Slot 4 – Below Bottom Related Article Block