‘રાજસ્થાની ખૂબા રોટી’ – સ્ટેપ બાય સ્ટેપ પરફેક્ટ રીત આપવામાં આવી છે, એકવાર ટ્રાય કરો

- Advertisement -

રાજસ્થાની ખૂબા રોટી

રોજ આપણને બાળકો અને પરિવારને જમવામાં કંઇક નવું પીરસવાની ઈચ્છા હોય તો ચાલો આજે રાજસ્થાન તરફ આંટો મારીએ… દાલ અને રાજસ્થાની ખૂબા રોટી પરિવારને જમાડીએ…

સામગ્રી:

1 વાટકી ઘઉંનો લોટ,
1 ચમચી જીરું,
1/2 ચમચી અજમો,
મીઠું,
2 ચમચી ઘી,
ઘી સર્વિંગ માટે,
પાણી.

રીત:

– સૌ પ્રથમ એક બાઉલમાં લોટ, મીઠું, જીરું, અજમો, ઘી લઇ મિક્સ કરી.

હળવે હળવે પાણી ઉમેરી પરોઠા જેવો લોટ બાંધવો.


– 15-20 મિનિટ માટે ઢાંકીને રહેવા દેવું, પછી ઘી વાળો હાથ કરી મસળી લેવો.
– ખૂબા રોટી જાડી અને મોટી હોય છે તેથી આખા લુવાની ખૂબા રોટી બનાવીશું, હવે પાટલી પર જાડી વણી લેવી.

– તવી મીડીયમ ગરમ થાય એટલે ગેસ ધીમો રાખી, રોટી તેમાં નાખી ડિઝાઇન પડે તે પહેલા જ પલટાવી દેવી.


– પછી તેના પર ચપટી કરી કરીને આખી રોટી પર ખાડા જેવો શેપ આપવાનો.
– હવે સરસ ગુલાબી ડિઝાઇન પડે એટલે ફેરવીને સહેજ દબાવવી 2 મિનિટ માટે ખાડાવાળો ભાગ નીચેની સાઈડ રાખવો.

– હવે તવી પરથી ચીપિયાની મદદથી રોટી લઇ સીધી ફ્લેમ પર બને બાજુ સરસ – ડિઝાઇન આવી જાય ત્યાંસુધી ધીમી આંચે ફેરવ્યા કરવું,


– ખૂબા રોટી બની જાય ત્યાંસુધી ધીમા ગેસે જ શેકવાની છે.રોટી બનતા 15-20 મિનિટ થઈ જાય છે.


– ડીશમાં ખૂબા રોટી લઇ ઘી લગાવી દાળ કે કોઈ રસાવાળા શાક જોડે સર્વ કરવું.


– તો તૈયાર છે રાજસ્થાની ખૂબા રોટી.

રસોઈની રાણી: હિરલ રાકેશ ગામી (જામનગર)

મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…

દરરોજ અવનવી વાનગી માટે લાઇક કરો અમારું પેજ – રસોઈની રાણી.

 

ટીપ્પણી