“પનીર બટર મસાલા” – ટેસ્ટી પંજાબી સબ્જી, બનાવો અને શેર કરો રેસીપી મિત્રો સાથે…

 

“પનીર બટર મસાલા”

સામગ્રી:

1 કપ ટુકડા કરેલું પનીર,

1 ટમેટું,

2 લીલા મરચાં,

2 મધ્યમ કદની ડુંગળી,

1 ટીસ્પૂન આદુ-લસણની પેસ્ટ,

5 કાજૂ,

1/2 લાલ મરચાંનો પાવડર,

1 ટીસ્પૂન ધાણા પાવડર,

1 ટીસ્પૂન ગરમ મસાલો,

2 ટેબલસ્પૂન બટર,

1 ટેબલસ્પૂન તેલ,

1/2 મેથીના દાણા,

1/2 ટીસ્પૂન તાજી મલાઈ,

મીઠું સ્વાદ અનુસાર,

લીલા ધાણા, થોડા પાન ગાર્નિશ કરવા માટે,

 

રીત:

– ડુંગળીની છાલ ઉતારીને સમારી લો.

– ટમેટાને ધોઈને ઝીણુ સમારી લો.

– લીલા મરચાંનો ધોઈને ઝીણા સમારી લો.

– ટમેટાં અને લીલા મરચાંને પીસીને પેસ્ટ બનાવી લો.

– કાજૂને પાણી સાથે પીસીને પેસ્ટ બનાવી લો.

– 1 ટેબલસ્પૂન બટર અને 1/2 ટેબલસ્પૂન તેલને એક પેનમાં ગરમ કરો. તેમાં ડુંગળી ઉમેરીને ગોલ્ડન બ્રાઉન થાય ત્યા સુધી સાંતળો.

– ગેસ પરથી નીચે ઉતારીને ડુંગળીને ઠંડી કરીને તેની પેસ્ટ બનાવો.

– બાકીના બટર અને તેલને પેનમાં લઈને તેમાં આદુ લસણની પેસ્ટ ઉમેરો.

– થોડી ક્ષણો પકાવીને તેમાં ડુંગળીની પેસ્ટ, કાજૂની પેસ્ટ, લાલ મરચાંનો પાવડક અને ધાણા પાવડર ઉમેરો.

– ત્યાર બાદ તેમાં ટમેટા, મેથીના દાણા અને મીઠું ઉમેરો.

– મધ્યમ આંચ પર ગ્રેવીને ઘટ્ટ થવા દો અને ત્યાર બાદ તેમાં તાજી મલાઈ ઉમેરો.

– ગરમ મસાલો અને પનીરના ટુકડા ઉમેરીને લગભગ 1-2 મિનીટ સુધી પાકવા દો.

– લીલા ધાણાના પાન સાથે ગાર્નિશ કરીને રોટી કે પરાઠા સાથે સર્વ કરો.

સૌજન્ય : સુરતી જમણ

શેર કરો આ વાનગી દરેક મિત્રો સાથે અને લાઇક કરો અમારું પેજ.

ટીપ્પણી

Ad Slot 4 – Below Bottom Related Article Block