ભારતનો સૌથી ધનવાન વ્યક્તિ પોતાના અંગત જીવનમાં છે સાવ સરળ અને સિમ્પલ…બહુ ઓછા આ જાણે છે..

તમે વિચારતા હશો કે, ઉદ્યાગપતિ મુકેશ અંબાણી રોયલ લાઇફ જીવવાનું પસંદ કરતા હશે, તેઓ હંમેશાં એસીમાં રહેવાનું પસંદ કરતા હશે, તેમનાં તમામ કાર્ય તેમનાં કર્મચારીઓ કરતા હશે, પરંતુ એવું નથી. આવો જાણીએ એવી કેટલીક વાતો છે, જે તેમને ખાસ બનાવે છે.

મુકેશ અંબાણી શાકાહારી છે, તેમને ભારતીય વ્યંજનો વધુ પસંદ છે. ખાસ કરીને દાળ-ભાત, શાક-રોટલી ખાવાના તેઓ શોખીન છે. રસ્તાના કિનારે ખાવાનો સ્ટોલ હોય અને તેમને ખાવાનું મન થાય તો તેઓ ત્યાં ઊભા રહીને ખાવાનું પસંદ કરે છે.

આ જગ્યાએ ખાવાનું પણ પસંદ : મુકેશ અંબાણીને તાજ કોલાબાની ચાટ ખૂબ પસંદ છે. તેઓ ત્યાં જઈને ચાટનો લુત્ફ ઉઠાવતા હોય છે. આ સિવાય તેમને મૈસૂર કૈફેનું ખાવાનું ઘણું પસંદ છે. તેઓ અઠવાડિયામાં એક વાર ત્યાં જરૂર જાય છે.

શું છે હુલામણું નામ? : મુકેશ અંબાણીને ઘરના લોકો મુક્કુના નામે બોલાવે છે જ્યારે બહેન તેમને મુક્સ કહે છે. ભારતની સૌથી ધનિક વ્યક્તિ હોવા છતાં મુકેશ એન્ટીલિયામાં આવતા દરેક મહેમાનને પોતાના હાથે પરોસે છે. એટલું જ નહિ, આ દરમિયાન ખાવાનું પણ મહેમાનની પસંદગીનું બને છે.

પત્નીનો ક્લાસિકલ ડાન્સ પસંદ : મુકેશ અંબાણીને નીતા અંબાણીનો ક્લાસિકલ ડાન્સ ખૂબ પસંદ છે. ખાલી સમયમાં નીતા ક્લાસિકલ ડાન્સ કરે છે, જે મુકેશ અંબાણીને પસંદ છે. એટલું જ નહિ, મુકેશને પોતાનો જન્મદિવસ ઊજવવો પસંદ નથી, પરંતુ તેઓ નીતા અને બાળકોનો બર્થડે ધૂમધામથી ઊજવે છે.

પરિવાર આમની સલાહ લે છે : મુકેશ અંબાણીનો પરિવાર આધ્યાત્મિક રીતે પંડિત રમેશભાઈ ઓઝા સાથે જોડાયેલો છે અને તેમની સલાહ પણ લેતા હોય છે. પૂજા અને અનુષ્ઠાન જેવાં કાર્ય પણ તેઓ જ અંબાણી પરિવાર માટે કરાવે છે.

બ્રિટિશ કાર્સ પસંદ : મુકેશ અંબાણીને બ્રિટિશ કાર્સ પસંદ છે. તેઓ હંમેશાં બેન્ટલે અને મેબેક જેવી કાર રાખે છે. મુકેશ પાસે એકથી એક મોંઘી કાર્સનું કલેક્શન છે. ખાસ કરીને 2 રોલ્સ રોયસ, 2 મેબેક 62, લેમ્બોર્ગિની, ક્યુ 7, મર્સિડીસ એક ક્લાસ અને મર્સિડીસ એસએલ 500 જેવી ઘણી કાર્સ સામેલ છે.

IITમાં એડમિશન લઈ ચોંકાવ્યા : મુકેશે તેમના મિત્રોને એવું કહીને ચોંકાવ્યા હતા કે, તેઓ આઈઆઈટીમાં એડમિશન લેશે. મુકેશે આઈઆઈટીની એન્ટ્રન્સ પાસ કરી તેમાં એડમિશન પણ લીધું હતું, પરંતુ થોડાં અઠવાડિયાં બાદ આઈઆઈટી મુંબઈ છોડીને યુનિવર્સિટી ડિપાર્ટમેન્ટ ઓફ કેમિકલ ટેક્નોલોજી (યુડીસીટી)માં મિત્રો સાથે એડમિશન લીધું.

પોકેટમનીમાં આપતાં 5 રૂપિયા : મુકેશ અંબાણી ઘણાં વર્ષો સુધી પોતાનાં બાળકોને પોકેટમનીમાં માત્ર પાંચ રૂપિયા જ આપતા હતા. મુકેશનું માનવું હતું કે, બાળકોને પૈસા આપવાને બદલે તેમની જરૂરિયાતની વસ્તુઓ લાવીને આપવી વધુ સારું છે.

એટલા માટે લોકોથી અલગ છે મુકેશ : એટલું જ નહિ, મુકેશ અંબાણીને બ્રાન્ડેડ કપડાંનો પણ શોખ નથી. તેઓ હંમેશાં સફેદ શર્ટ અને ડાર્ક પેન્ટ પહેરવાનું પસંદ કરે છે. ભલે તેઓ વિશ્વના સૌથી અમીર વ્યક્તિઓમાંથી એક હોય, પરંતુ પોતાની સાદગી તેમને અન્યોથી અલગ તારે છે.

સાભાર – આઈ એમ ગુજરાત !!

ટીપ્પણી

Ad Slot 4 – Below Bottom Related Article Block