ફરસાણ વીક: ‘જામનગરની ખસ્તા કચોરી’ આ રીતે બનાવો ઘરે

આજે આપણે બનાવીશું બધાની મનપસંદ ખસ્તા કચોરી ,જેવી આપણે માર્કેટમાંથી લાવીએ છીએ એવી જ કચોરી ઘરે બનાવવી ખૂબ જ સરળ છે એને એકદમ પરફેક્ટ બનાવવા માટે તમારે કઈ કઈ વસ્તુનું દયાન રાખવું એ પણ હું તમને જણાવતી જઈશ જેથી તમારી કચોરી પણ એકદમ સરસ ફૂલેલી અને ક્રિસ્પી બને તો ચાલો એની રીત જોઈ લઈએ.

સામગ્રી

  • લોટ બાંધવા માટે
  • ૫૦૦ ગ્રામ મેંદો
  • ૭૫-૮૦ ગ્રામ તેલ
  • ૧ નાની ચમચી મીઠું
  • ૧-૧/૪ કપ પાણી (આશરે )
  • સ્ટફિંગ બનાવવા માટે
  • ૧ કપ તળેલી મગ ની દાળ (નમકીનવાળી )
  • ૧/૨ ચમચી વરીયાળી
  • ૧ નાની ચમચી ધાણાજીરું
  • ૧ ચમચી લાલ મરચું
  • ચપટી હળદર
  • ૧/૪ ચમચી ગરમ મસાલો
  • ૩-૪ ચમચી પાણી

રીત :   

  • લોટ માં મીઠું અને તેલ મિક્ષ કરી થોડું થોડું પાણી એડ કરતા જઈ એનો પરોઠા કરતા થોડો ઢીલો લોટ બાંધી દો અને ઢાંકીને ૫ મિનીટ રહેવા દો
  • હવે સ્ટફિંગ બનાવવા માટે મિક્ષર માં મગ ની દાળ અને બધા મસાલા એડ કરી અધકચરું વાટી લો
  • એમાં થોડું પાણી એડ કરી મિક્ષ કરો જેથી એ એકદમ ડ્રાય ના રહે
  • કચોરી બનાવવા માટે એક જાડી પુરી વણો એમાં ૧ ચમચી જેટલું સ્ટફિંગ વચ્ચે મુકો અને કચોરી ને સરસ સીલ કરી દો
  • હવે હથેળી ની મદદ થી જ આને દબાવતા જાવ અને મોટી કરતા જાવ (જો આ રીતે નથી ફાવતું તો કચોરીને સીલ કરીને પછી તમે એને હલ્કા હાથે વેલણ થી વણી પણ શકો છો )
  • તેલ થોડું ગરમ થાય એટલે એમાં કચોરી એડ કરો અને એકદમ ધીમા ગેસ પર તળો
  • ૪-૫ મિનીટ પછી કચોરી એની જાતે ફૂલવા લાગે એટલે એને ફેરવી દો અને બીજી બાજુ તળો (આ રીતે દર ૩-૪ મીનીટે ફેરવતા રહેવું
  • સરસ આવો ગોલ્ડન બ્રાઉન કલર આવે ત્યાં સુધી તળો (આશરે ૧૦-૧૨ મિનીટ જેવો સમય લાગશે
  • કચોરીને તીખી ,મીઠી ચટણી ,મોળું દહીં અને બેસન ની સેવ સાથે સર્વ કરો
  • જો ચાટ ની જેમ સર્વ કરવી હોય તો કચોરીમાં કાણું પાડી ચટણી ,દહીં અને સેવ એડ કરી સર્વ કરો

નોંધ – એનો લોટ વધારે ઢીલો ના થઈ જાય એનું દયાન રાખવું નહી તો કચોરી લાંબો ટાઇમ ક્રિસ્પી નહી રહે , એના સ્ટફિંગ ના પણ વધારે પાણી એડ નથી કરવાનું.

સૌજન્ય :  શ્રીજી ફૂડ

મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…
 
દરરોજ અવનવી વાનગી માટે લાઇક કરો અમારું પેજ – રસોઈની રાણી.

ટીપ્પણી