ગણેશ ચતુર્થી માં લાડૂ જ કેમ ? આજના દિવસે આ કથા વાંચનાર અને સમજનાર પુણ્ય ના અધિકારી..

ગણેશજીને મોદક સિવાય આ સ્વીટ્સ પણ ખૂબ ભાવે છે

ગણેશ ચતુર્થી એ ગુજરાતમાં સૌથી વધુ ધામધૂમથી ઉજવાતા તહેવારોમાંનો એક છે. 10 દિવસનો આ તહેવાર ગુજરાતીઓ ઘણા ઉત્સાહથી મનાવે છે. દર વર્ષની જેમ આ વર્ષે પણ પંડાલ બંધાઈ ગયા છે અને ભક્તો ગણેશજીની મૂર્તિની ઘરમાં સ્થાપના કરવા તૈયારી કરી રહ્યા છે. ગણેશ ચતુર્થીની ઉજવણી ગણપતિ દાદાના ફેવરિટ પ્રસાદ બનાવ્યા વિના અધૂરી છે. સ્થાપનાથી માંડીને વિસર્જન સુધી ભક્તો ગણપતિ દાદાને જાતજાતની મીઠાઈઓ ધરાવે છે. ખાસ કરીને ગણેશજી માટે મોદક બનાવવામાં આવે છે. મીઠાઈની દુકાનમાં મોદકની જાતજાતની વેરાયટી મળે છે પરંતુ જાણો તમે ગણેશજીને મોદક સિવાય બીજો કયો પ્રસાદ ચડાવી શકો છો?

મીઠાઈ પાછળ કારણઃ

ચીફ શેફ સિદ્ધાર્થ આનંદ જણાવે છે કે ભારતમાં જુદા જુદા તહેવારોએ ચોક્કસ જ મીઠાઈ બનાવવા પાછળ પણ ખાસ કારણ છુપાયેલું છે. તેઓ કહે છે, “ઘણા લોકો નથી જાણતા કે ગણેશ ચતુર્થીએ કેમ મોદક કે મોતીચુરના લાડુ બનાવવામાં આવે છે. ખાસ કરીને યુવા પેઢીને આ અંગે જાણ હોતી નથી. તમે ગણેશજીની મૂર્તિને ધ્યાનથી જોશો તો તેમના હાથમાં લાડુ દેખાશે. આ જ ચીજ તેમનો લાડુ માટેનો પ્રેમ દર્શાવે છે. મોતીચૂરના લાડુનો ઉલ્લેખ ગણેશજીી આરતમાં પણ થાય છે. જેમાં ભક્તો ગાય છે- લડ્ડુ કા ભોગ લગે, સંત કરે સેવા.”

21 મોદકની કથાઃ

ગણપતિ દાદાને 21 મોદક ચડાવવા પાછળ પણ એક વિચાર છૂપાયેલો છે. શેફ આનંદ કહે છે, “એવું માનવામાં આવે છે કે શવિજી અને પાર્વતીજીએ ગણેશજી સાથે એકવાર ઋષિપત્ની અનસૂયાની મુલાકાત કરી. ગણેશજી ભૂખ્યા હોવાથી અનસૂયાજીએ તેમને જુદી જુદી વાનગી પીરસી. ગણેશજીએ એ બધું જ ભોજન પૂરુ કરી દીધું અને પછી પણ પેટ ન ભરાતા વધારે માટે માંગ કરી. અનસૂયાએ ધારી લીધુ કે ગણેશજીનું પેટ ત્યારે જ ભરાશે જ્યારે તેમને કોઈ મીઠાઈ ધરાવવામાં આવશે. ફાઈનલી અનસૂયાએ ગણેશજીને એક મોદક આપ્યું અને ગણેશજીએ ઓડકાર ખાધો. જ્યારે ગણેશજીએ ઓડકાર ખાધો ત્યારે શંકર ભગવાને 1 નહિં, 21 વાર ઓડકાર ખાધો. આથી ગણેશજીના ભક્તો તેમને 21 મોદક ધરે છે.” હિંદુ માન્યતા અનુસાર ગણપતિ દાદાને મોદક સૌથી વધુ પ્રિય વાનગી છે. તેમને મોદક પ્રિય તરીકે પણ ઓળખવામાં આવે છે.

પાંચ ચીજ સૌથી વધુ પસંદ છેઃ

ગણપતિ દાદાને પાંચ ચીજ સૌથી વધુ પ્રિય છેઃ મોદક, દુર્વા, કેળા, મમરા અને મોતીચૂરના લાડુ. આ ઉપરાંત ગણેશજી માટે અનેક પ્રસાદ તૈયાર કરવામાં આવે છે જેમ કે, કાજુ બરફી, હલવો, પુરણ પોળી, રવાનો લાડુ, મગની દાળનો શીરો, કરંજી વગેરે. આ ઉપરાંત કોકનટ રાઈસ પણ ગણપતિ દાદાને ચડાવવામાં આવે છે. ગૃહિણી બંસી ગણાત્રા જણાવે છે, “કોકોનટ મિલ્કમાં સફેદ ચોખા પલાળીને તેને બાફમાં આવે છે. તે ખૂબ જ સ્વાદિષ્ટ લાગે છે. ગણપતિ દાદા માટે કોપરાના લાડુ પણ બને છે. ગણેશજીને સ્વાદિષ્ટ ભોજન ખૂબ જ પ્રિય છે. આથી આ દિવસે ઘઉંના લોટની પૂરી, બટેટાનું શાક અને શ્રીખંડ પણ બને છે.”

ફેવરિટ ફૂડ એન્જોય કરવાનું કારણઃ

ગણેશ ચતુર્થી ગુજરાતીઓ માટે તેમનું ફેવરિટ ફૂડ એન્જોય કરવાનું બહાનુ બની જાય છે. ગણપતિ દાદાને પ્રસાદ ધરાવવામાં ગુજરાતીઓ ક્યાંય પાછળ નથી પડતા. આ ઉપરાંત ગણેશ દર્શન માટે જે ઘરે આવે તે પણ ક્યારેય ખાલી હાથે નથી જતા. બધા જ ભક્તોને પ્રસાદ તો મળે જ છે.

સૌજન્ય : આઈ એમ ગુજરાત

ટીપ્પણી

No comments yet.

Leave a Reply

error: Content is protected !!