ટ્રેનની ટિકીટ પર લખેલા આ શબ્દોનો મતલબ જાણી લેશો, તો બહુ કામમાં આવશે, મેળવી લો આજે નોલેજ…

ટ્રેનની ટિકીટ બુક કરાવતા સમયે આપણને ટિકીટ પર કેટલાક શોર્ટકટ શબ્દો લખેલા દેખાય છે. આપણે તેને જાણ્યા વગર જ ક્લિક કરી દઈએ છીએ. આવામા તકલીફ માત્ર એટલી જ થાય છે કે, જાણકારી ન હોવાને કારણે તમારી ટિકીટ કન્ફર્મ થઈ છે કે નહિ, તેની ચિંતા હંમેશા મગજમાં સતાવતી રહે છે. આ સમસ્યાને દૂર કરવા માટે આજે અમે તમને તેની માહિતી આપીશું, જેનાથી તમે સરળતાથી ટીકિટ પર લખેલા લખાણને સમજી શકશો. આટલું જાણીને તમે ઈન્ડિયન રેલવે માટેનું તમારું નોલેજ પણ અપડેટ કરી શકો છો.

WL

WL એટલે કે તમારી ટિકીટ કન્ફર્મ નથી. વેટિંગ લિસ્ટ વધુ ન હોય તો ટિકીટ કન્ફર્મ થઈ જાય છે. સીટ નંબર જર્ની ડેટનું ચાર્ટ તૈયાર થતા પહેલા મળી જાય છે.

GNWL

GNWL એટલે કે જનરલ વેઈટિંગ લિસ્ટ. તેનો મતલબ છે કે તમે જે ટ્રેનની ટિકીટ લીધી છે, તે ટ્રેન એ જ સ્ટેશન કે આસપાસની સ્ટેશનથી બનીને ખૂલે છે. તેમાં ટિકીટ કન્ફર્મ થવાની શક્યતાઓ વધારે હોય છે.

RLWL
રિમોટ લોકેશન વેઈટિંગ લિસ્ટ. બે મોટા સ્ટેશનની વચ્ચે, જ્યાં વધુ ટ્રેન નથી આવતી, તો આવામાં આ પ્રકારની ટિકીટ મળે છે. આવી ટિકીટ કન્ફર્મ થવાના ચાન્સ વધુ હોય છે.
PQWL

નાના સ્ટેશન પરના ક્વોટામાં આપવામાં આવેલી સીટના આધાર પર આ ટિકીટ આપવામાં આવે છે. તેમાં પણ ટિકીટ કન્ફર્મ થવાના ચાન્સિસ ઓછા હોય છે.

PQWL/REGRET

તેનો મતલબ એ છે કે, ટ્રેનમાં સીટ નથી, અને તમને ટિકીટ નહિ મળે.

RAC

આનો મતલબ તો મોટાભાગના લોકો જાણે છે. એટલે કે તમને માત્ર બેસીને જ સફર કરવાની રહેશે. તમને માત્ર બેસવાની જ જગ્યા મળશે, ઊંઘી નહિ શકો. એટલે કે તમે માત્ર અડધી સીટના જ હકદાર હશો.

CNF

મુબારકો, તમારી ટીકિટ કન્ફર્મ થઈ ગઈ છે. CNFનો મતલબ ટિકીટ કન્ફર્મ હોય છે. આ સાથે જ તમને બોગી નંબર, સીટ નંબર, પીએનઆર નંબર પણ ટિકીટ પણ દેખાશે.
સીટ પણ જાણી લો

જો તમારી ટિકીટ કન્ફર્મ છે, તો તમે સીટ નંબર ઉપરાંત ટિકીટ જોઈને તમારી પોઝિશન પણ જાણ શકો છે. જો તમારા બર્થ નંબરની સામે LB લખાયેલું છે, તો તેનો મતલબ એ છે કે લોઅર એટલે કે નીચેવાળી બર્થ. જો MB લખાયેલુ છે, તો તેનો મતલબ છે કે મિડલ બર્થ. UBનો મતલબ તો તમને હવે ખબર પડી જ ગઈ હશે, અપર બર્થ. આ ઉપરાંત જો SU અને SL લખેલું છે, તો તેનો મતલબ એ છે કે સાઈડ અપર અને સાઈડ લોઅર બર્થ. રેલવે સિનીયર સિટીઝન માટે લોઅર સીટ આપવાનો પ્રયાસ કરે છે, પણ સીટ ઉપલબ્ધ હોવી જોઈએ. ઓનલાઈન રિઝર્વેશન કરવવા પર ઉપલબ્ધતાના હિસાબે તમે ખુદ તમારા સીટની પસંદગી કરી શકો છો.

લેખન સંકલન : અશ્વિની ઠક્કર

દરરોજ આવી અનેક જાણી અજાણી અને રસપ્રદ અને જાણવા જેવી વાતો વાંચો ફક્ત અમારા પેજ પર.

ટીપ્પણી